Përpara se të blini unazën tuaj të martesës kini parasysh këto këshilla!

Shpenzimi i parave në unazën e martesës në fakt është më shumë një vendim emocional se sa racional. Por kur vjen puna për të bërë atë blerje janë dy gjëra që ju I merrni në konsideratë përpara se ta blini.

1. Pritshmëritë e personit tuaj të zemrës
2. Gjendjen tuaj financiare

Qëllimi është që të gjeni një ekuilibër midis këtyre të dyjave. Situata e çdo personi është e ndryshme. Dhe kjo është arsyeja pse është e rëndësishme të dini se ku qëndroni.

Unaza e martesës është mjaft e rëndësishme pasi tregon angazhimin tuaj, është simbol I dashurisë dhe angazhimit tuaj si dhe tregon se ju e keni investuar së bashku të ardhmen.

Shumë gra kanë ëndërruar për unazën e tyre të përsosur për një kohë të gjatë, duke përfshirë stilin, formën e diamantit etj. Do të jetë një zhgënjim i madh për të marrë një unazë që nuk është pikërisht ajo që dëshiron.

Gratë janë ato që do e mbajnë unazën çdo ditë. Kjo do të jetë copa e vetme më e rëndësishme e bizhuterive që zotërojnë. Dhe natyrisht, ato duan diçka që i bën të lumtura ta shohin dhe t’u tregojnë miqve të tyre.

Më poshtë do të gjeni disa mënyra që mund t’ju ndihmojnë të përcaktoni aftësinë tuaj financiare:

1. Të ardhurat tuaja aktuale
2. Shpenzimet tuaja
3. Kursimet tuaja
4. Të ardhurat tuaja potenciale

Duke përdorur këto faktorë, duhet të jeni në gjendje të vlerësoni se sa mund të shpenzoni në mënyrë të arsyeshme. Idealisht, ju dëshironi të jeni në gjendje të blini unazën pa financim në mënyrë që të mos keni borxh. Ose të paktën do të dëshironi të jeni në gjendje të paguani borxhin që mund të pësoni në disa muaj.

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.