Aftësitë që duhet të zotëroni për të kërkuar një rritje rroge
Nga eksperiencat e rekrutuesve është vërejtur një trend i cili kërkon reflektim.
Shumë punonjës kërkojnë rritje rroge në momentin më të papërshtatshëm dhe e bëjnë këtë duke mos ditur as vetë se sa vlejnë në të vërtetë.
Ky është gabimi më i madh që mund të bëni kur kërkoni rritje rroge.
Ju duhet të jeni të palëkundur e të dini mirë se sa vleni dhe këtë gjë duhet t’ia reflektoni edhe rekrutuesit tuaj.
- Njohja e kërkesës së tregut për aftësitë tuaja
Të dish ekzaktësisht se si janë kërkesat e tregut pikërisht për ato aftësi që ju zotëroni është një avantazh i madh.
Në rast se ju mendoni se ajo çka kompania po ju ofron është pak në bazë të asaj që duhet t’ju paguajë kjo do t’ju bëjë të ngrini zërin pikërisht atje ku duhet e të tërhiqeni në rastet e tjera.
Nëse ju zbuloni se aftësitë tuaja janë të zakonshme dhe mund të gjendet lehtësisht dikush tjetër i cili mund t’ju zëvendësojë me atë pagë atëherë bëni mirë të mendoheni edhe një herë përpara se të bëni një kërkesë për rritje page.
- Përgatituni për të gjithë skenarët e mundshëm
Pasi të keni mbaruar punë me hapin e parë, hapi tjetër është të ndërtoni vetëbesim dhe të planifikoni një diskutim të mirë.
Uluni dhe mendoni për të gjithë skenarët e mundshëm që mund të ndodhin kur të bëni bisedën për të rritur pagën tuaj.
Praktikojeni këtë bisedë me veten tuaj derisa të mendoni se jeni gati për një propozim solid biznesi.
Kjo është mënyra se si duhet të jetë, pasi diskutimi i pagave është gjithmonë një diskutim biznesi asgjë personale.
- Nëse nuk keni një mentor, gjejeni një
Njerëzit pëlqejnë t’i ndihmojnë të tjerët, sidomos nëse është dikush të cilin e njohin.
Nëse dëshironi që njerëzit t’ju njohin dhe t’ju këshillojnë për karrierën tuaj dilni nga prapa kompjuterit dhe takojini ata personalisht.
Bëhuni specifik për atë që keni nevojë kur kërkoni për ndihmë. Të gjitha këto do t’ju ndihmojnë jo vetëm të ndërtoni besim, i cili është themeli i një karriere të suksesshme e të kënaqshme, por gjithashtu edhe për të qenë më të sigurt për të kërkuar pikërisht atë çfarë meritoni e asgjë më pak.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.