Përplasja e radhës Qeveri-Presidencë – Treska: Dhënia e shtetësisë kompetencë ekskluzive e Kreut të Shtetit. Ligji i ri cënon Kushtetutën
Komisioni Parlamentar i Sigurisë Kombëtare ka rrëzuar Dekretin e Presidentit të Republikës, i cili ktheu për rishqyrtim në Kuvend Ligjin e ri për Shtetësinë. Arsyet e kthimit të Ligjit u paraqitën në Komision nga Ketrin Treska, Drejtoresha e Përgjithshme e Shërbimeve Juridike në Presidencë. Ajo renditi një seri motivesh, mes të cilave, më kryesori qe se Ligji i ri i cënon Presidentit të drejtën eksluzive Kushtetuese për dhënien e shtetësisë. Më tej Treska nënvizoi edhe dis problem të tjera të ligjit, i cili cënon të drejtat themelore të njeriu, krijon rrezik për diskriminim, si dhe kufizon të drejtën për të fituar shtetësinë. Rezervat nisën që nga termi fitim i shtetësisë, duke qenë se ajo merret dhe nuk fitohet.
Zëvendësministri i Brendshëm Julian Hodaj argumentoi se Ligji nuk cënon kompetencat e Presidentit, pasi fjala e fundit për dhënien ose heqjen e shtetësisë do t’i mbetet Kreut të Shtetit.
Ligji i ri synon të rregullojë një seri problemesh, mes të cilëve ai I fitimit të shtetësisë nga fëmijë të lindur jashtë kufijve nga prindër shqiptarë.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.