Përplasje për Unazën e Re, Basha: Qeveria, megavjedhje prej 40 milionë euro
Kryetari i Partisë Demokratike, Lulzim Basha e ka cilësuar projektin për ndërtimin e Unazës së Madhe një “megavjedhje”, e llogaritur në 2 mijë euro për centimetër asfalt. Basha ka akuzuar kreun e qeverisë se ka shkelur ligjin e prokurimeve dhe se vjedhja në total është 40 milionë euro.
Ndërkaq, Basha ka kërkuar nga qeveria që të dëmshpërblejë të gjithë banorët që preken nga ndërtimi i Unazës së Madhe, pasi sipas tij, këtë të drejtë e kanë me ligj. Prej disa ditësh qeveria dhe banorë e Unazës së Re nuk po gjejnë gjuhën e përbashkët që i hap rrugë zbatimit të projektit.
Qytetarët me dokumente pronësie apo jo kërkojnë dëmshpërblim të plotë, ndërsa qeveria do të dëmshpërblejë vetëm ata që disponojnë pronësinë.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.