“Përse e dëshironi këtë punë?” – Ja si t’i përgjigjeni pyetjes më të zakonshme në çdo intervistë pune

Sipas Suzy Welch, kjo është një pyetje që me siguri do ta merrni në intervistën tuaj të ardhshme. Me siguri ju e keni një përgjigje të shkruar e të gatshme për t’iu përgjigjur kësaj pyetjeje. Por një përgjigje standard e shkruar më parë mund të prishë shanset tuaja për të bërë një përshtypje të mirë.

“Për tu siguruar që përgjigja juaj nuk do jetë diçka standard të cilën ata e kanë dëgjuar edhe miliona herë më parë, përpiquni të përfshini detaje të kompanisë, njerëzve si dhe produkteve të saj”, tha ajo.

Një përgjigje që përmbush të gjitha këto tha Wells, tingëllon si diçka e tillë.

“Unë dua të punoj në [kompaninë], sepse ajo vlerëson të mësuarit e vazhdueshëm, fokusi i klientit është parësor dhe besoj se kultura e saj e inovacionit, e produkteve dhe proceseve, e bën atë unike”.

Sigurohuni që të përmendni se si aftësitë tuaja mund të avancojnë qëllimet e kompanisë.

Jini të përgatitur për të dhënë  detaje duke shpjeguar se si do të ndihmonit që kompania të arrijë vizionin e saj.

“Këto detaje specifike tregojnë se i keni kushtuar vëmendje dhe nuk jeni në autopilot”, thotë Welch.

“Ashtu si shumë suksese në jetë,” thotë Welch, “marrja e kësaj pyetjeje është e gjitha në detaje.”

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.