Përse kompanitë ajrore i humbin valixhet?
Sita, një ofrues ndërkombëtar i IT-së në industrinë që monitoron trajtimin global të bagazheve, thotë se numri i përgjithshëm i çantave “të humbura” ka rënë nga 46.9 milionë në vitin 2007 në 24.8 milionë në vitin 2018. Dhe kjo është gjatë një periudhe kur numri i përgjithshëm i udhëtarëve ajror është pothuajse dyfishuar.
Europa ka performancën më të keqe të trajtimit të bagazheve, sipas Sita. Kontinenti arrin deri në 7.29 çanta të “humbura” për 1,000 pasagjerë në vit, krahasuar me 2.85 në Amerikën e Veriut dhe vetëm 1.77 në Azi.
Por çfarë ndodh specifikisht me bagazhet e keqpërdorura ose të vjedhura në raport me ato që thjesht kanë pësuar devijim destinacioni?
Sipas Sita vetëm 5% e çantave të keqpërdorura hyjnë në këtë kategori. Ato që gjenden në shërbimin e bagazheve të aeroportit ruhen disa muaj përpara se të shkatërrohen ose dërgohen në ankande.
Gati gjysma e të gjitha çantave “të humbura” janë si pasojë e problemeve me transfertat e fluturimit, thotë Sita. Fluturimet e vonuara gjithashtu janë një arsye pse ndodhin këto, pasi për shembull bagazhi thjesht nuk arrin në një kohë me jua avionin e radhës. Ndërsa një rast tjetër është edhe momenti kur dikush merr gabimisht bagazhin tuaj ose thjesht punonjësit e aeroportit për neglizhencë kanë gabuar në shpërndarje.
Një faktor tjetër kontribues mund të jetë kompleksiteti i sistemit të trajtimit. Në disa aeroporte, linjat ajrore përdorin punonjësit e tyre, por në të tjerat përdoruesit janë të pavarur dhe kontraktohen nga linja ajrore të shumta. Vitin e kaluar, IATA solli një rregullore të re, ‘Rezoluta 753’, që synonte që linjat ajrore dhe aeroportet të bënin më shumë kujdes ndaj bagazheve.
Burimi: BBC
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.