Përshkallëzimi i COVID-19 në Shqipëri/ Vendosen çadra në QSUT dhe te Trauma! Blihen 54 respiratorë, priten edhe 100 të tjerë
Në kushtet e shtimit të numrit të personave të prekur nga COVID-19, ministria e Shëndetësisë ka ngritur në një shkallë tjetër masat e marra për t’u përballur më virusin. Ministrja e Shëndetësisë Ogerta Manastirliu tha se në në ambientet e Qendrës Spitalore Universitare dhe në Urgjencën e Traumës do të vendosen çadra nëse do të jetë e nevojshme ndërsa po trajnohet stafi që do të shërbejë aty.
Ndërkohë, ministrja tha se po lidhte kontrata e blerjes së 54 respiratorëve dhe ka filluar procedura për 100 respiratorë të tjerë që kërkon një kohë nga 9-45 ditë që të vijnë.
Po ashtu, është rritur stoku i mjeteve për personelin mjekësor.
“Kemi 25 mijë maska dhe priten edhe 140 mijë maska speciale. Po planifikojmë një stok tjetër plus 200 mijë maska speficike. Veshje speciale, po rrisim stokun me 10 mijë dhe planifikojmë rritjen me 50 mijë të tjera. Dorëza, syze, helmeta e dezinfektantë, është siguruar stoku i nevojshëm për parballimin e situatës dhe do ta rrisim edhe në vijim. Maskat e thjeshta mbi 500 mijë stok dhe 650 mijë doreza sterile dhe josterile. Për ne thelbësore është ruajtja e personelit” tha Manastirliu.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.