Perspektiva e tregtisë botërore, OKB: Do të ketë rimëkëmbje të ngadaltë, e ardhmja e pasigurtë

Tregtia botërore pritet të bjerë me 7-9%  në 2020-n me bazë vjetore, pavarësisht shenjave të rimëkëmbjes së ngadaltë të drejtuar nga Kina në tremujorin e tretë, sipas Organizatës së Kombeve të Bashkuara.  Asnjë rajon nuk u kursye nga rënia e vlerësuar me 19% me bazë vjetore e tregtisë në tremujorin e dytë, ndërkohë që pandemia ndërpreu ekonomitë, sipas Konferencës së Tregtisë dhe Zhvillimit tek organizata (UNCTAD).

Tregtia botërore është rimëkëmbur disi në tremujorin e tretë, ku pritej 4.5% më pak se në të njejtën periudhë një vit më parë. Sipas agjencisë, tregtia në pajisjet zyrave dhe furnizimeve mjekësore është rritur në tremujorin e tretë, ndërkohë që në sektorët e makianve dhe energjisë ka patur rënie.   Nëse pandemia rikthehet fortë në muajt e ardhshëm, do të krijonte një mjedis të përkeqësuar për politikëbërësit dhe një rritje të kufizimeve tregtare.  Eksportet e kinës u rimëkëmbën në tremujorin e tretë, pas rënies në muajt e para të pandemisë dhe kanë regjistruar rritje vjetore prej rreth 10%.  “Në total, niveli i eksporteve kineze për 9 muajt e para të 2020 është i krahasueshëm me atë të të njejtës periudhë një vit më parë”,- thekson agjencia.   Më herët gjatë muajit, Organizata Botërore e Tregtisë rriti projeksionet e tregtisë në mallra, për shkak të përmirësimit të perspektivës që prej Qershorit, duke dhënë një parashikim prej -9.2% për këtë vit.   Thuajse të gjithë projeksionet pozitive për këtë vit, kanë ardhur me një rishikim më të ngadaltë të rimëkëmbjes në vitin e ardhshëm.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.