Perspektivë e zymtë për Gjermaninë – Institucionet ulin projeksionet. I bëjnë thirrje qeverisë për shpenzime

Institucionet kryesore në Gjermani kanë ulur projeksionet ekonomike për vendin në këtë vit edhe tjetrin, kryesisht prej kërkesës së dobët botërore për mallra industrialë si dhe rritjes së pasigurisë së bizneseve prej luftës tregtare.

Projeksionet, ku bazohet edhe vetë Qeveria, reflektojnë shqetësimet se ngadalësimi i Gjermanisë mund të frenojë të gjithë ekonominë e Eurozonës. Institucionet i bënë gjithashtu qeverisë që të braktisë politikat e buxhetit të balancuar, që ndalojnë marrjen e borxhit, nëse përkeqësohet situata.

Megjithatë, Ministri i Ekonomisë, Peter Altmaier tha se nuk do ketë krizë ekonomike dhe nuk ka pse të braktiset politika e buxhetit të balancuar. Sipas tij, qeveria duhet të bëjë të kundërtën duke mbështetur kompanitë nëpërmjet uljes së taksave.

Institucionet bënë të ditur se presin një rritje ekonomike të Gjermanisë me 0.5% këtë vit dhe 1.1% në 2020-ën, nga 0.8% dhe 1.8% që prisnin më parë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.