Peshkimi i BE në ujërat britanikë / Zgjatet limiti deri në Korrik, përpara se të arrihet një marrëveshje
Ministrat e Bashkimit Evropian ranë dakord për të zgjatur deri në fund të Korrikut limitin e peshkimit të bllokut në ujërat që ndahen me Britaninë, për të siguruar që peshkimi të mund të vazhdojë i pandërprerë, ndërkohë që Brukseli dhe Londra arrijnë një marrëveshje. Në paktin tregtar pas Brexit, BE dhe Britania ranë dakord të caktojnë limite çdo vit për peshkimin në stokun e përbashkët.
Të dy palët shpresonin të negocionin këtë muaj një marrëveshje një vjeçare për mundësitë e peshkimit për vitin 2021. Si masë të përkohëshme, ministrat e BE ranë dakord të vazhdojnë të aplikojnë limitet e vitit të kaluar deri më 31 Korrik, nga 31 Mars që ishte afati i mëparshëm. “Gjetëm një mënyrë që flota evropiane të vazhdojë të operojë pas 31 Marsit’- tha ministri portugez i çështjeve detare, Ricardo Serrao Santos. Ai shtoi se marrëveshja përbën një plan paraprak dhe duhet të zëvendësohet së shpejti nga një pakt mes 2 vendeve.
Aksesi tek stoku i peshkimit i bë një nga çështjet më të vështira në negociatat e Brexit, me të 2 palët që ranë dakord për një rënie graduale të kuotave të Bashkimit Evropian në ujërat britanike.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.