“Peshqit” janë çështja që mban peng marrëveshjen e Brexit – E diela afati përfundimtar
Michel Barnier ka thënë se pengesa kryesore për një marrëveshje në orët e fundit të negociatave tregtare të Brexit është nëse Brukseli do të jetë në gjendje të godasë mallrat britanikë me tarifa nëse qeveria mbyll ujërat e saj të peshkimit për flotat e BE në të ardhmen.
Me parlamentin Evropian që ka thënë se ka nevojë për marrëveshje deri në mesnatën e së dielës që të jetë në gjendje të japë pëlqimin e tij në një votim këtë vit, kryenegociatori i BE tha se nëntë muaj bisedimesh kanë goditur “momentin e së vërtetës”.
Të dy palët janë në mosmarrëveshje nëse BE do të jetë në gjendje të godasë nëse Mbretëria e Bashkuar mbyll detet e saj për anijet Evropiane pas një periudhe tranzicioni të paspecifikuar.
Barnier tha se do të ishte e drejtë që Brukseli të ishte në gjendje të vendoste tarifa për mallrat në Mbretërinë e Bashkuar dhe produktet e peshkimit në veçanti, nëse flota evropiane e peshkimit humbet hyrjen e tyre në ujërat britanike.
Barnier u largua nga parlamenti herët për të vazhduar negociatat me David Frost, negociatori kryesor i Mbretërisë së Bashkuar. Pas një telefonate midis Boris Johnson dhe presidentes së Komisionit Evropian, Ursula von der Leyen, të enjten në mbrëmje, Downing Street tha se negociatat ishin në një gjendje “shumë serioze” dhe se një rezultat pa marrëveshje mbetet “shumë i mundshëm”.
D.B – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.