Peugeot kthen Opel në përfitueshmëri – Hera e parë që marka rezulton me fitime që prej vitit 1999
Prodhuesi francez i makinave, Peugeot-Citroen, ka kthyer markën Opel në përfitueshmëri, ndërkohë që ka arritur rezultate rekord për markat franceze. Aksionet e kompanisë prekën nivelet më të lartë në 10 vite pas publikimit.
Të ardhurat neto u rritën me 18% në 1.482 miliardë euro nga Janari në Qershor, ndërkohë që të ardhurat totale u rritën me 30% në 38.6 miliardë.
Grupi francez po përfiton nga shitjet e modeleve SUV, Peugeot 3008 dhe 5008, si dhe nga reduktimet e kostove nën ekzekutivin e ri Carlos Tavares, që nxori kompaninë nga falimentimi në vitin 2014.
Ai po përdor të njëjtën skemë për Opel, që bleu nga General Motors 1 vit më parë, markë që ka arritur në fitim për herë të fundit në vitin 1999. Aksionet e PSA u rritën me 12.6% në nivelin më të lartë që prej vitit 2008, në 22.4 euro.
Reduktimi i kostove te Opel, që sillte humbje prej 1 miliardë dollarë në vit kur zotërohej nga General Motors, bëri që ky divizion të sjellë fitime prej gjysmë miliardë euro për një marzh operimi prej 5%.
Përfitueshmëria e markave franceze, përfshirë Citroen, u rrit me 8.5%, duke thyer objektivin e vetë firmës. Performanca më e mirë se ç’pritej e Opel tregon gatishmërinë për më shumë konsolidime.
Megjithatë, kjo mund të komplikojë bisedimet me sindikatat gjermane, ndërkohë që Peugeot përpiqet të shkarkojë departamentet inxhinerike në Russelesheim.
Peugeot, që ka shkurtuar 3,700 vende pune të Opel, ka irrituar sindikatat muajin e kaluar kur konfirmoi se po kërkon një blerës për aktivitetet e kërkimit dhe zhvillimit, që punëson 4,000 punonjës.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.