“Pezull” shpërblimi i pensionistëve – Denaj: Ende nuk ka një fond, do të analizojmë kërkesën
Edhe pse na ndajnë më pak se 3 muaj nga festat e fundvitit, Ministria e Financave dhe Ekonomisë ende nuk ka menduar të ndajë një fond të posaçëm për paketën e solidaritetit, ku përfshihet shpërblimi për pensionistët dhe familjet në nevojë. Në ndryshimet e buxhetit me akt normativ, i cili është diskutuar në Komisionin Parlamentar të Ekonomisë, nuk është parashikuar dhe mesa duket këtë vit shpërblimi do të mbetet në varësi të performancës së të ardhurave dhe shpenzimeve.
Sa i takon aktit normativ, Kreu i Komisionit të Ekonomisë, Arben Ahmetaj, ka shprehur rezerva sa i takon shkurtimit të fondeve për investime në vlerën e 3 miliardë lekëve, vlerë qe sipas të cilit, duhet të kishte shkuar për shlyerjen e detyrimeve të prapambetura.
Ndryshimet në buxhet, ku parashikohen ulje të ardhurash dhe shpenzimesh si dhe rishpërndarje të fondeve në projekte infrastrukturore me ecuri pozitive, janë miratuar në Komisionin e Ekonomisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.