Pezullimi i tenderëve të bashkive, çfarë ndodh me shpalljet para 1 qershorit? Shpjegimi i APP: Prokurimet që lejohen e ato që ndalohen

Agjencia e Prokurimit Publik sjell në vëmendje të njësive të vetqeverisjes vendore dhe të autoriteteve kontraktore në varësi të tyre se, akti nënligjor i datës 10 maj i miratuar nga qeveria përcakton pezullimin e përkohshëm i fillimit të procedurave të prokurimit nga njësitë të vetëqeverisjes vendore dhe të autoriteteve kontraktore në varësi të tyre, për periudhën nga 1 deri në 30 qershor 2019.

“Sjellim në vemendje së, njësitë e vetëqeverisjes vendore dhe autoritetet kontraktore në varësi të tyre, nuk do të shpallin procedura prokurimi për periudhën nga 1 deri në 30 qershor 2019, me përjashtim të procedurave të prokurimit me vlerë të vogël, si dhe atyre që kanë si objekt produktet ushqimore. Procedurat e prokurimit të shpallura përpara datës 1 qershor 2019 lejohet të vijojnë në përputhje me legjislacionin në fuqi” shkruhet në njoftimin e APP për njësitë vendore.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.