Pfizer, gjendje të rrallë inflamatore – Që nga 19 gushti raportohen 5 raste në Bashkimin Europian
Rregullatori europian i barnave po rishikon nëse vaksinat e Pfizer shkaktojnë rrezikun e një gjendje të rrallë inflamatore. Kjo sindromë është serioze por e rrallë, dhe përfshin pjesë të ndryshme të trupit, si zemrën, mushkëritë, veshkat, trurin, lëkurën, etj.
Rregullatori europian i barnave deklaroi se po rishikon nëse vaksinat kundër Covid-19 shkaktojnë rrezikun e një gjendje të rrallë inflamatore, pas raportimit të një rasti me dozën e Pfizer/BioNTech. Paneli i sigurisë pranë Agjencisë Europiane të Barnave po shqyrton të ashtuquajturën Sindromën Inflamatore Multisistemike, pas raportimit të një rasti te një 17-vjeçar në Danimarkë, i cili është shëruar plotësisht.
Kjo gjendje është raportuar edhe te personat që kanë marrë vaksina të tjera, njoftoi agjencia. Kjo sindromë është serioze por e rrallë, dhe përfshin pjesë të ndryshme të trupit, si zemrën, mushkëritë, veshkat, trurin, lëkurën, etj. Në përgjigje të rastit, Pfizer tha se po i shqyrton të gjitha ngjarjet e mundshme negative, së bashku me autoritetet rregullatore. Autoriteti europian tha se aktualisht nuk ka asnjë ndryshim në rekomandimet për përdorimin e vaksinës së Pfizer dhe të vaksinave të tjera.
Pesë raste të Sindromës Inflamatore Multisistemike janë raportuar në Bashkimin Europian që nga 19 gushti pas marrjes së vaksinës Pfizer dhe nga një rast me vaksinën e Johnson & Johnson dhe Moderna. Ndërkohë, të dhënat mbi sigurinë, të publikuara nga autoritetet amerikane dhe Pfizer, gjatë një takimi të zhvilluar të hënën, nuk përfshinin asnjë incidencë të Sindromës Inflamatore Multisistemike te personat që e kishin marrë vaksinën, e cila mori edhe miratimin e plotë në SHBA. Ndërkaq, paneli europian i sigurisë po shqyrton edhe rastet e mpiksjes së gjakut në vena, për vaksinën e J&J.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.