Pfizer synon të zgjerojë dozat e treta – Kërkon miratim nga FDA për të gjithë të rriturit
Pfizer i ka kërkuar Administratës së Barnave dhe Ushqimeve këtë Javë që të autorizojë dozat nxitëse për vaksinën e Covid-19 tek të gjithë të rriturit, duke prezantuar të dhëna të fundit që tregojnë se dozat do ndihmojë parandalimin e sëmundjes. Në muajt e fundit, agjencia ka autorizuar dozën nxitëse të Pfizer/BioNTech, për njerëzit që kanë sistem imunitar të kompromentuar, personat në 65-vjeç e sipër, të gjithë njerëzit në rrezik të lartë të sëmundjes së ashpër dhe ata që ekspozohen në mënyrë të rregullt ndaj virusit. Pfizer ka kërkuar më parë autorizim për të gjithë njerëzit në moshë 16-vjeç e sipër, por Agjencia e barnave u përmbajt, pjesërisht pasi nuk ka mjaftueshëm prova të zbehjes së imunitetit, apo të përfitimit të dozave nxitëse tek të rinjtë.
Pfizer theskoi se do prezantojë të dhëna nga një provë e madhe klinike, që muajin e kaluar tregoi se një dozë nxitëse e vaksinës ishte 95.6% efektive ndaj koronavirusit, ndërsa krahasohej me grupin e vaksinuar që nuk kishin marrë një dozë të tretë. Kompania dhe autoritetet shëndetësore kanë argumentuar se dozat nxitëse parandalojnë shtrimin në spital dhe vdekjet dhe se mund të ngadalësojnë infeksionet e lehta gjithashtu.
Administrata e presidentit Joe Biden në Gusht lajmëroi plane të prezantimit të dozave nxitëse për të gjithë të rriturit në Shtator, përpara se këshilluesit e FDA të rekomandonin autorizimin e limtuar. Moderna pritet të aplikojë gjithashtu tek agjencia që të zgjerojë autorizimin emergjent të dozës nxitëse tek të gjithë të rriturit, sipas burimeve. Dozat nxitëse të Moderna janë miratuar për përdorim në të njejtën grup të pacientëve si Pfizer.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.