Pikëpyetjet e 14 shtatorit! Ndër sistemet arsimore më të mbigarkuara në Europë, 1 në 7 shqiptarë është nxënës

Roel Korkuti/SCAN Magazine

Ministria e Arsimit njoftoi në fund të gushtit nisjen e vitit të ri shkollor ende pa një protokoll të detajuar për të parandaluar sadopak përhapjen e covid-19 në popullsi. Në fillim të shtatorit, ky protokoll erdhi, por pa shuar aspak debatet, sidomos mbi faktin se sa gjasaka të zbatohet ky protokoll strikt masash.

Debate të tilla po zhvillohen në të gjithë europën, dhe globin, që nga fqinjët tanë në itali, e deri në korenë e jugut.  Vonesa në detajimin e protokollit erdhi pavarësisht faktit se kanë kaluar mbi 5 muaj që nga mbyllja e institucioneve arsimore në vendin tonë në kuadër të strategjisë për të parandaluar përhapjen e virusit.

Me një prezencë të lartë të nxënësve në popullsi dhe me një mbingarkesë të shkollave dhe klasave, sidomos në kryeqytetet, rihapja e shkollave pa një plan të detajuar dhe pa rotacion ose ndërthurje me mësimin online, rrezikon të kthehet në brumin kryesor të përhapjes së virusit në vendin tonë, sidomos me ardhjen e stinës së vjeshtës dhe dimrit.

Sipas Institutit të statistikave, Shqipëria numëron 148 nxënës për 1 mijë banorë.Pra, thuajse 1  në 7 banorë të republikës, prej datës 14 shtator do të frekuentojë një institucion arsimor, në të cilin do të jetë shumë e vështirë të respekltohen protokollet e sigurisë shëndetësore, me distancimin fizik që është kryefjala. Shqipëria numëroin rreth 423 mijë nxënës, për rreth 2 mijë institucione arsimore 9 vjeçare dhe të arsimit të mesëm.

Mesatarisht, një shkollë në vend mban rreth 200 nxënës.Por, hendeku i kryeqytetit me rrethet sa i përket mbingarkesës duket mjaft i madh. Jashtë Tiranës, numërohen mesatarisht, rreth 187 nxënës për një shkollë. Në 11 njësitë administrative të kryeqytetit ndërkohë, numërohen mesatarisht 308 nxënës për një shkollë. Por edhe mes vetë këtyre njësive administrative, diferencat janë të ndjeshme.

Një tjetër tregues i mbingarkesës së shkollave dhe klasave është edhe ai i raportit të mësuesve për nxënës.Në arsimin fillor në vendin tonë, për shkollat publike, kjo normë fiksohet në 17.4 nxënës për mësues. Mesatarja europiane flet për një normë në 14.7. Kjo normë e vendos Shqipërinë ndër vendet e para në Europë sa i përket mbingarkesës më të lartë, më mirë vetëm se Franca, Rumania dhe Çekia.Duke i shtuar të gjithë kësaj situate një strategjie të autoriteteve shumë pak efikase dhe sidomos kapacitete të cunguara në identifikimin dhe gjrumimin e rasteve të infeksioneve me covid-19, rihapja e shkollave është një rrezik parësor, pa një protokoll që të garantojë shëndetin jo vetëm të nxënësve, mësuesve dhe prindërve, por shëndetin publik.

Një protokoll i tillë ka një emërues të përbashkët; distancimin fizik, që mund të arrihet përve maskave dhe higjienës, edhe me rotacionin e nxënësve, dhe sidomos me mësimin online, një metodë e testuar, që funksionon.

Dështimi në Korenë e jugut

Për të ilustruar faktin se hapja e shkollave pa një strategji të qartë se si duhet vepruar në cdo skenar të mundshëm, është një minë me sahat, mjaftin të përmendimn Korenë e Jugut, një shtet mjaft të disiplinuar, që ka një prej sistemeve arsimore më të plotësuara në rruzull, dhe shumë larg problemeve shqiptare, si psh mbingarkesa. Korea e Jugut urdhëroi në fund të gushtit mbylljen e pjesës dërrmuese të shkollave në kryeqytetin Seul dhe zonat përreth, në përpjekjen e radhës për të ndërprerë valën e re të infeksioneve. Shumica e nxënësve në vend do t`i rikthehen kështu mësimit online. Të gjithë studentët, me përjashtim të maturantëve, në qytetin e Seulit dhe të provincës Geonggi do t`i bëjnë leksionet online duke filluar prej 11 shtatorit, deklaroi Ministria e Arsimit në vend. Gjatë javëve të fundit përpara mbylljes së shkollae ishte raportuar për rreth 150 raste të nxënësve të infektuar dhe 43 staf shkolle vetëm në Seul. Autoritetet kanë vendosur maskën si detyrim edhe brenda edhe jashtë në kryeqytet, ndërkohë që vende si kishat, lokalet e natës, dhe aktivitete të tjera me risk të lartë do të mbyllen plotësisht.

Fillojnë rimbylljet edhe në Francë

Edhe në Paris, që në fillim të gushtit u regjistruan dy rastet e para të infektimit në shkollë, duke detyruar mbylljen e dy klasave. Ngjarja ka ndodhur në një shkollë fillore në Paris. Mjaftoi një fëmijë I infektuar për të mbyllur klasën që ai frekuentonte si dhe për të izoluar shokët e tij të klasë. E njëjta gjë u bë për vllain e tij të vogël, dhe për klasën e tij, në të njëjtin institute arsimor.

Maska, detyrim apo jo?

Një nga diskutimet më të mëdha që po zhvillohet sot në shqipëri dhe nëpër botëështë ai I detyrimit të maslave për fëmijët. Deri pak kohë më parë, në shumë vende, fëmijët nuk e kishin të lejuar, ose nuk e kishin detyrimj mbajtjen e maskave. Rihapja e shkollave bëri që shumë vende ta rivlerësojnë këtë strategji. Ministrja e Arsimit, Sportit dhe Rinisë, Besa Shahini së fundmi ka postuar në rrjetet sociale një video sensibilizuese mbi rëndësinë dhe rregullin e mbajtjes së maskës në shkollë.

Në video shfaqen disa nxënës të shkollës 9-vjeçare “Servete Maçi”, ndërkohë që Shahini e shoqëron postimin me komentin se “Mbajtja e maskës është e detyrueshme, sepse kjo është e vetmja mënyrë se si ne të mbrojmë veten dhe të tjerët”. Ndonëse, postimi i ministres synon të bëjë të qarta rregullat që duhet të ndjekin nxënësit, ai bie në kundërshtim me vetë protokollin e sigurisë të miratuar nga Instituti i Shëndetit Publik, për frenimin e COVID-19 në shkolla.

Referuar dokumentit të publikuar mbajtja e maskës gjatë mësimit për nxënësit e ciklit të ulët 9-vjeçar është vetëm e e rekomandueshme, ndërsa për ciklin e lartë 9-vjeçar dhe të mesëm, maska është detyrim. Edhe Organizata Botërore e Shëndetësisë në rekomandimin e fundit të saj thotë se maskat mbrojtëse duhet të mbahen nga çdo person duke filluar nga mosha 12 vjeç. Në bazë të dokumentit të publikuar nga OBSH  nuk rekomandohet mbajtja e maskës për më të miturit nën 5 vjeç, ndërsa nga 6 në 11 vetëm në rast të veçanta kur ndodhet në zonë me rrezik të lartë transmetimi.

Në një kohë që paqartësia fillon që nga maska, a duhet mbatjur ajo nga fëmijët apo jo nëpër klasa, pasiguria e prindërve dhe e të gjithëve ne, kthehet në legjitime. Shumëkush nuk e ka të qartë se si do të rinisë viti i ri shkollor, si prindërit, apo nxënësit, ashtu edhe vetë mësuesit.  Shumëkush e di se pasiguritë do të jenë edhe më të mëdha në vijim, kur të fillojnë rastet e para ët shpërthimit të epidemisë nëpër klasa; hjë e cila do të ndodhë, është e pashmangshme. Gjithëkush është i sigurtë, se shqiëpria nuk i ka kapacitetet e duhura, për t`u përballur me një skenar të zymtë në vjeshtë-dimër, me infeksionin të shpërndarë nëpër shkolla.

Lexo numrin e plote te SCAN Magazine:

 http://online.anyflip.com/sbspu/qqbq/mobile/index.html#p=4

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.