Pilulat e Covid nuk zëvendësojnë vaksinat – Ekspertët, entuziastë mbi trajtimet e reja, por paralajmërojnë për vaksinimin
Pilulat antivirale nga Merck dhe Pfizer kanë treguar se zbutin ndjeshëm pasojat më të këqija të Covid-19 nëse merren mjaftushëm herët, por doktorrët kanë paralajmëruar njerëzit ngurrues ndaj vaksinave që të mos-ngatërrojnë përfitimet e trajtimeve me parandalimin e sëmundjes. Ndërkohë që 72% e të rriturve amerikanë kanë marrë një dozë të vaksinës, sipas sondazheve, ritmi i vaksinimit është ngadalësuar, ndërkohë që partitë politike në SHBA janë të ndara mbi vlerat dhe siguritë e vaksinave. Detyrimi i vaksinës nga punëdhënësit, shtetet dhe administrata e presidentit Joe Biden, ka ndihmuar të rrisë vaksinimin, por ka nxitur gjithashtu irritime. Disa ekspertë të sëmundjeve shqetësohen se mbërritja e trajtimit ndaj Covid me një pilulë, mund të frenojë mëtej fushatën e vaksinimit.
Rezultatet paraprake të një sondazhi prej 3,000 qytetarëve amerikanë nga “City University of Neë York”, tregoi se ilaçi mund të pengojë përpjekjen e njerëzve për t’u vaksinuar. Sipas sondazhit, një në tetë të anketuar thanë se preferojnë trajtimin me një pilulë se sa të vaksinohen. Shqetësimi i ekspertëve vjen pas lajmërimit në javën e kaluar nga Pfizer, se pilula antivirale Paxlovid, ul rrezikun e shtrimit në spital dhe vdekjeve me 89% tek njerëzit me rrezik të lartë. Rezultati i Pfizer ndoqi lajmërimin e Merck me Ridgeback Biotherapeutics më 1 Tetor, se ilaçi i tyre antiviral përgjysmin rastet e shtrimit në spital dhe vdekjeve.
Ilaçi, i njohur si molnupiravir, fitoi mriatim të kushtëzuar në Britani javën e kaluar. Të dy ilaçet duhet të marrin miratim nga rregullatorët në SHBA, por mund të dalin në treg nga Dhjetori. Shumë ekspertë të sëmundjeve infektive të intervistuar nga Reuters, ishin entuziast mbi perspektivën e trajtimeve të reja të Covid-19, por ranë dakord se nuk janë zëvëndësues të vaksinave. “Zgjedhja e mos-vaksinimit është gabim tragjik”- tha Albert Bourla, shefi ekzekutiv i Pfizer. “Këto janë trajtime, janë për të pafatët që sëmuren” – shtoi ai.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.