Piramida më e madhe e Egjiptit – Shkencëtarët zbulojnë një dhomë misterioze brenda saj
Shkencëtarët kanë gjetur një dhomë të fshehtë në Piramidën më të Madhe të Egjiptit në Giza, një zbulim i parë që nga shekulli i 19-të, i cili mund të shkaktojë një rritje të madhe interesi për faraonët.
Në një artikull të botuar në revistën “Nature”, një ekip ndërkombëtar tha se boshllëku brenda piramidës është 30 metra, ndodhet mbi Galerinë e Madhe, dhe ka një strukturë të ngjashme më një seksion kryqi.
Ky boshllëk mund të zbulojë misteret brenda Khufu. Shkencëtarët e bënë zbulimin duke përdorur imazhe të rrezeve kozmike, duke regjistruar sjelljen e grimcave subatomike të quajtura muonografe që depërtojnë në shkëmbin e ngjashëm me rrezet X, vetëm shumë më thellë.
Piramida e njohur si Piramida e Khufu-së në nder të ndërtuesit të saj, një faraon i 4-të i dinastisë, që mbretëroi nga viti 2509 deri në vitin 2483 para Krishtit.
Piramidat e Gizës, mrekullitë e fundit mbijetuese të botës së lashtë, kanë magjepsur vizitorët që kur u ndërtuan si dhoma varrosje mbretërore rreth 4.500 vjet më parë. Ekspertët janë ende të ndarë rreth asaj se si janë ndërtuar, kështu që zbulimet relativisht të vogla krijojnë interes të madh.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.