Pirateria televizive, AMA vijon kontrollet – Gjoba dhe sekuestrime pajisjesh në të gjithë vendin  

Autoriteti i Mediave Audiovizive (AMA), ka ushtruar mbi 30 kontrolle inspektimi në zonat ku ka pasur informacion për Pirateri Televizive.
Gjatë kontrolleve kanë rezultuar katër subjekte që ushtronin aktivitet të pa autorizuar nga AMA, të cilave u është bërë sekuestrimi i pajisjeve dhe në dy raste është proceduar edhe me masën administrative me gjobë në vlerën 5 milionë lekë.
Ndaj shtatë subjekteve të pajisura me autorizim, por që transmetonin programe pa të drejtë transmetimi është marrë masa administrative gjobë me vlerë nga 1 deri në 2 milionë lekë.

AMA u bën apel të gjithë subjektet audiovizive që të respektojnë kontratat e lidhura me mbajtësit e të drejtave si dhe të respektojnë zonat e ofrimit të shërbimit për të cilat gëzojnë autorizim prej saj.
Autoriteti është i vendosur që t’i japë fund këtij fenomeni negativ i cili dëmton subjektet private, Buxhetin e Shtetit si dhe konkurrencën e ndershme në tregun audioviziv.

E.S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.