Pista e parë për gara makinash e motorësh në Shqipëri! Bashkia e Elbasanit hap tenderin për zonën pranë Lungofiumes

Bashkia e Elbasanit ka shpallur tenderin për studimin e projektimin i objektit ‘ndërtim argjinaturë mbrojtëse’ nga lumi Shkumbin në Krastë në kuadër të projektit ‘Lungofiume‘-Elbasan. Tenderi ka fond limit 6,9 milionë lekë dhe afati për dorëzimin e ofertave është deri me 15 prill 2021.

“Punimet kanë për qëllim mbrojtjen e një sipërfaqe toke e pafrytshme mbi 50 hektarë e cila do të përdoret nga Bashkia Elbasan për qëllime  social – kulturore dhe sportive  në favor të banorëve të saj  për ndërtimin e Lungofiume dhe kartodromit e autodromit etj.  Sipërfaqja e krijuar do të perdoret për zhvillimin e aktiviteteve automobilistike si dhe për promovimin e kulturës së motosportit.

Në të do të ndërtohet cirkuiti i parë shqiptar me pistë 5.3 km dhe një sipërfaqe 50 mijë m2 sipas standarteve FIA ,FIM dhe CIK si dhe qender eventesh indor dhe outdoor,autodrom dhe kartodrom, akademi motosporti dhe akademia e edukimit mbi sigurinë rrugore,poligone profesionale testimi ,pistë offroad,helipad dhe zonë sportive mjetesh ajrore ultra të lehta.

Njëkohësisht brenda kësaj sipërfaqe parashikohet të ndërtohet kompleksi i ri  DPSHTRR Elbasan me qendrën e re të kontrollit teknik ( kolaudimit ) dedikuar shërbimeve të transportit rrugor dhe shërbime të tjera në funksion të rinisë” shkruhet në dokumentet e tenderit.

Zona e përfshirë në projekt ka një gjatësi rreth 2000m dhe ndodhet në krahun e djathte të lumit Shkumbin, në zonën e Krastës,Elbasan.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.