Pjesëmarrja në zgjedhje – Deri në oren 15:00 votuan 513 mijë qytetarë
Komisioni Qendror i Zgjedhjeve në Kosovë ka raportuar për pjesëmarrjen e qytetarëve në votime deri në orën 15:00. Komisioni ka njoftuar se 27,69% e qytetarëve të regjistrua në votime kanë votuar në 2490 vendvotime.
Kjo shifër përllogaritet në rreth 513,484 votues, nga 1 milion e 872 mijë e 941 të regjistruar.
Sipas kryetares Valdete Daka, procesi është zhvilluar i rregullt, i qetë dhe pa ndonjë incident të rëndë. Këtë gjë e konfirmon edhe shefi i misionit të OSBE, Jan Braathu. Sipas tij, gjendja është e mirë dhe procesi ka shkuar pa probleme si në veri edhe në jug të vendit.
Komunat Strpce, Partesh, Ranilug dhe Novobërdë kanë patur përqindjen më të lartë të votuesve, ndërkohë që në Dragash kanë votuar vetëm 19% e zgjedhësve.
Në Prishtinë, kanë votuar 33% e votuesve, pra 61 mijë nga 185 mijë votues të regjistruar.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.