Planet për përdorimin e gazit / Amerikanët nisin studimin e tregut, Balluku: Ulje kostosh dhe mundësi biznesi
Qeveria shqiptare po planifikon ndërtimin e një depozite nëntokësore të gazit si dhe një terminal për gazin e lëngshëm natyror, si një burim alternativ furnizimi”. Gjithçka u bë me dije nga ministrja e Infrastrukturës dhe Energjisë, Belinda Balluku gjatë një takimi të organizuar nga Departamenti Amerikan Energjisë dhe Shoqatat e Energjisë së Shteteve të Bashkuara, ku u njoftua dhe nisja e një Studimi Teknik dhe Politikash mbi potencialin dhe zgjidhjet e gazit të lëngshëm natyror në shkallë të vogël. Sipas Balukut, projektet ambicioze të qeverisë kërkojnë kohë dhe financim, ndërkohë që ky studim ka disa avantazhe.
Ndërkaq, ambasadorja e SHBA-ve, Yuri Kim shprehu mbështetjen për këtë projekt, i cili sipas saj rrit sigurinë energjetike.
Përdorimi i gazit, si një burim alternativ i energjisë, shihet si i rëndësishëm, duke qenë se aktualisht prodhimi i energjisë në vend varet vetëm nga burimet e rinovueshme. Megjithatë, Shqipëria është ende në hapat e parë të këtij tregu, ndërsa sipas Ballukut aplikimi i suksesshëm i LNG në shkallë të vogël në Shqipëri do të sillte ulje të kostos për përdoruesit fundorë, mundësi të reja biznesi për kompanitë vendase e të huaja si rritjen e pavarësisë energjetike të vendit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.