Plani Financiar kundër pasojave të COVID-19 nis me pagat! U përgjysmohen ministrave dhe deputetëve. “Dorë të lirë” institucioneve të tjera

Para se të prezantonte 7 pikat e “Planit të Garancisë Ekonomike”, kryeministri Edi Rama paralajmëroi se situata do të jetë e vështirë për ekonominë  e vendit. “Ccdokush duhet të japë diccka” tha kryeministri, duke e nisur në mënyrë simbolike me vendimin për të përgjysmuar pagën e tij,ministrave dhe deputetëve.

Në fjalën e tij, kryeministri tha se institucionet e tjera të pavarura janë të lira që ta bëjnë ose jo një veprim  të tillë. Paga e presidentit ndërkohë nuk është prekur, në mënyrë që të mos ciësohej si cënim. Ky përgjysmim page, sipas kryeministrit, do të zgjasë deri në fund të periudhës së pandemisë, dhe të ardhurat do të shkojnë në ndihmë të programit që mbështet ata që po preken në këtë periudhë nga pasojat.

Ndër të tjera shefi i qeverisë u shpreh se kjo luftë ka kapur të papërgatitur çdo shtet të botës, ndërsa Shqipërinë në një moment edhe më delikat, pas tërmetit tragjik të 26 Nëntorit.

Plani i qeverisë, sipas kryeministrit do të përqendrohet tek shtresat në nevojë dhe ata që kanë nevojë për mbijetesë, ndërsa shtresat më të pasura të shoqërisë duhet të përgatiten për të dhënë diçka nga vetja sipas tij dhe jo të kërkojnë ndaj shtetit.

“Plani që do të zbatojmë bashkërisht nuk është një ecje qorrazi. Ai është një plan nga poshtë-lart. Një plan për më të dobëtit dhe që nuk kanë fuqi të durojnë gjatë pa dorën e qeverisë.

Shqipëria nuk financon dot. Ne mund do të financojmë luftën e atyre që po mbijetojnë, të bizneseve të vogla private dhe sipërmarrjeve të mesme që kanë mbyllur dyert, duke lënë shumë pasoja në aktivitetin e tyre.

Të tjerët duhet të fillojnë të japin nga vetja. Ata me halle reale nuk do t’I lëmë vetëm, ndërsa të dyët duhet të bëjnë luftën e tyre, në mënyrë ekonomike për të ndihmuar në këtë situatë” – u shpreh kryeministri.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.