Plani i Estonisë për të krijuar kriptovalutën kombëtare kufizohet nga BQE, por do të realizohet

Estonia u detyrua të kufizojë planet e saj për krijimin e një kriptovalute kombëtare, pas kritikave të bëra nga Mario Draghi, guvernatori i Bankës Qendrore Europiane, dhe bankat lokale.

Shteti në Europën Lindore, i cili nisi të përdorë euron në vitin 2011, synonte t’u ofronte këtë valutë digjitale të gjithë qytetarëve të saj. Tashmë, sipas Siim Sikkut, zyrtarit në krye të strategjisë IT të vendit, ato do t’ju jepen si incentiv vetëm e-rezidentëve, pra të huajve që përdorin identifikimin elektronik të Suedisë për të nënshkruar dokumente dhe për të krijuar kompani.

Estonia është një prej shteteve më teknologjikë të Europës dhe ndër të parat që konsideroi lëshimin e një kriptovalute virtuale. Megjithatë, Draghi e kritikoi këtë plan duke thënë se euro duhet të jetë valuta e vetme në shtetin prej 1.3 milionë banorësh. Qëndrimi i tij u mbështet edhe nga guvernatori i Bankës Qendrore Ardo Hansson.

Estcoin do t’i vijë në ndihmë komunitetit të huaj duke i ndihmuar të ofrojë punë dhe këshilla për njëri-tjetrin, por pa u kthyer në një valutë kombëtare.

Mbi 350 mijë karta identifikimi u janë lëshuar të huajve, kryesisht nga Finlanda, Rusia dhe Ukraina, nën siglën e programit e-rezident të sponsorizuar nga qeveria që prej vitit 2014.

A.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.