Plani i ri për stimul ekonomik në SHBA do të përqendrohet tek arsimi dhe vaksina

Plani i republikanëve për një paketë të dytë fiskale synon të kthejë fëmijët në shkolla, të rrisë punësimin dhe të financojë zhvillimin e vaksinave të koronavirusit, tha Sekretari i Thesarit Steven Mnuchin.

Presidenti Donald Trump dhe ligjvënësit republikanë u takuan të hënën për të përfunduar propozimin e tyre të ardhshëm të stimulit. Republikanët planifikojnë të shpenzojnë “një trilion dollarë” me faturën e ardhshme, u tha Mnuchin gazetarëve në takim. Pakoja e shpenzimeve do të përqendrohet kryesisht në “fëmijë dhe punë dhe vaksina”, tha ai.

“Ne do të kemi kredi tatimore për PPE, për ambiente të sigurta pune, dhe do të kemi stimuj të mëdhenj, para për shtetet për arsim, për shkolla që mund të hapen me siguri dhe të bëjnë mësim.” shtoi Sekretari i Thesarit.

D.B – SCAN
Burimi: Business Insider

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.