Plani për Tiranën, tre zonat ku do të përqëndrohen aktivitetet kryesore ekonomike

Plani i zhvillimit të kryeqytetit, i miratuar tashmë nga Këshilli Bashkiak, parashikon një serë ndërhyrjesh për të nxitur e konsoliduar të ashtuquajturat “akse ekonomike”.

Për Tiranën janë parashikuar tre akse kryesore, përkatësisht aksi Tiranë-Kashar-Durrës, aksi Tiranë-Vaqarr-Durrës dhe aksi Tiranë-Elbasan. Në këto akse kryesore, parashikohet që në 15 vite të pozicionohen aktivitetet kryesore ekonomike dhe prodhuese.

Referuar planit, përgjatë aksit Tiranë-Kashar-Durrës do të përqëndrohen aktivitetet industriale dhe prodhuese.

Përgjatë aksit Tiranë-Vaqarr-Durrës, krahas aktiviteteve prodhuese e tregtare parashikohet edhe zhvillimi i një zone industriale të re në Vaqarr. Ndërsa përgjatë boshtit Tiranë-Elbasan parashikohet përqendrimi i aktiviteteve tregtare të lidhura me prodhimin bujqësor, rekreativ dhe turistik.

(k.k)

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.