Plani rimëkëmbjes, Conte: “COVID ‘na hapi’ sytë. Italia ka nevojë për reforma të thella për të ecur përpara”
Kryeministri italian, Giuseppe Conte, është zotuar të heqë pengesat strukturore dhe burokratike për përparimin e Italisë, duke thënë se kriza e fundit e koronavirusit ishte “një përshpejtues” i ndryshimeve të nevojshme.
Në ditën e dytë të asamblesë së përgjithshme të kryeministrit për rimëkëmbjen ekonomike pas koronavirusit, Conte përshkroi “një projekt të guximshëm të përbashkët që do t’i mundësojë Italisë të kthehet në këmbë, duke hequr pengesat që e kanë mbajtur atë vitet e fundit”.
Ai u tha përfaqësuesve të sindikatave kryesore të Italisë:
“Ne nuk mund të dalim nga kjo krizë pa një projekt të qartë për të ardhmen e vendit. Pandemia do të jetë një përshpejtues i mëtejshëm i këtyre ndryshimeve dhe gjithashtu do të ketë një efekt në botën e punës që shkon përtej afatit të shkurtër.”
Objektivi i planit, të ekonomisë së tretë më të madhe në Evropë, është të godasë problemet strukturore për të cilat ekonomistët thonë se kanë vendosur frenat në përparimin e vendit për dekada. Ato përfshijnë burokracinë e saj të rëndë publike, infrastrukturën poshtë nivelit, duke përfshirë adoptimin e ngadaltë të teknologjisë dixhitale dhe evazionin e përhapur të taksave.
Nëntë fushat me përparësi përfshijnë ekonominë e gjelbër, investimet në kërkime dhe trajnime, modernizimin e proceseve të ngadalta gjyqësore të Italisë dhe më shumë mbështetje për industritë kryesore të turizmit, automobilave dhe ushqimit.
Roma pritet të marrë rreth 172bn € (194bn dollarë) nga plani i rimëkëmbjes prej 750bn € të rënë dakord nga Komisioni Evropian në maj.
Me PBB-në e Italisë që pritet të bjerë të paktën me 8.3% këtë vit, organizata kryesore e punëdhënësve të vendit ka dhënë alarmin, duke bërë thirrje për reforma serioze dhe një plan për të ndihmuar bizneset që përballen me falimentime të mundshme.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.