Plani tatimor i Trump – Mënyra se si do të paguhet për uljen e taksave sjell një pengesë
Sekretari i Thesarit në SHBA, Steven Mnuchin tha se ka dyshime mbi mënyrën e vlerësimit të planit tatimor të Donald Trump, kur të llogariten efektet në rritjen ekonomike. Në fund të muajit Prill, administrata publikoi një përmbledhje të reformave tatimore, që do të shkurtonte taksat për bizneset në 15% si dhe uljen e tatimit mbi të ardhurat për individët.
Analistët e kritikuan mbi mënyrën se si uljet e taksave do të balancohen pa sjellë rritjen e deficitit federal. Mnuchin tha se plani i muajit Prill ishte qëllimisht jo i plotë në mënyrë që Shtëpia e Bardhë të punonte efekivisht me politikëbërsit, për të arritur në një dakordësi të përbashkët që do të kalonte në Kongres.
Mënyra se si do të paguhet për uljen e taksave qëndron një pengesë. Konservatorët fiskalë në Kongresin e kontrolluar nga Republikanët preferojnë një plan neutral mbi të ardhurat, ndërkohë që janë kundër rritjes së deficiteve. Mnuchin tha se uljet e taksave do të vetë-balancohen nën një model dinamik të vlerësimit (dynamic scoring), që llogarit efektin e ndryshimit të taksave në rritjen ekonomike dhe të ardhurat. “Ju sigurojë se objektivat e mia dhe të Presidentit janë për uljen e taksave për klasën e mesme”, tha Mnuchin.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.