Platforma e Bashkëqeverisjes, 89% e ankesave të drejtuar në Ministrinë e Financave kanë marrë zgjidhje
89 për qind e ankesave të drejtuara nëpërmjet Platformës për Bashkëqeverisjen në Ministrinë e Financave dhe Ekonomisë kanë marrë zgjidhje.
Koordinatorja e platformës në këtë ministri, Entela Erebara tha se janë marrë edhe masa administrative për personat e përfshirë, duke mos dhëne zgjidhje qytetarëve apo duke penguar zgjidhjen.
“Aktualisht në Ministrinë e Financave dhe Ekonomisë janë trajtuar 708 ankesa, nisma, fjala e lirë. Dhe 89 për qind e tyre janë çështje që kanë marrë zgjidhje. Në Ministrinë e Financave lidhur me çështjet e trajtuara nga platforma e Bashkëqeverisjes janë dhënë gjashtë masa administrative, që konsistojë në masa disiplinore për personat e përfshirë në çështjet konkrete të trajtuara. Janë masa të dhëna për punonjësit e sigurimeve shoqërore apo të Drejtorisë së Përgjithshme të tatimeve”.
Kryesisht ankesat e qytetarëve kanë të bëjmë me problematika, si përllogaritja jo e saktë e shumës së pensionit, mospërfshirjen e të gjithë periudhës kontributeve për qytetarët.
“Në Ministrinë e Financave dhe Ekonomisë trajtohen problematika që lidhen kryesisht me institucionet kryesore të varësisë, që janë Instituti i Sigurimeve Shoqërore, Drejtoria e Përgjithshme e Tatimeve, Shërbimi Kombëtar i Punësimit, Inspektorati Shtetëror i Punës, por edhe për drejtoritë e përgjithshme të ministrisë të Financës”.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.