Platforma elektronike eTransport – DPSHTRR me 8 shërbime të reja online në e-Albania dedikuar transportit ndërqytetës

Nëpërmjet një njoftimi të publikuar nga faqja zyrtare e DPSHTRR-së është bërë me dije se janë shtuar 8 shërbime të reja online në e-Albania.

Platforma elektronike eTransport, si projekt i nisur nga DPSHTRR në bashkëpunim me MIE dhe AKSHI, dedikuar transportit ndërqytetës, tashmë ofron 8 shërbime të reja online në platformën e-Albania:

Licencimi në linjat e transportit ndërqytetës.

Kërkesë për shtim/ndryshim/heqje orari në linjat e transportit ndërqytetës.

Certifikim mjeti në linjat e transportit ndërqytetës.

Dublikatë Licence/Certifikate, për transportin ndërqytetës.

Autorizim stacion qëndrimi për linjat e transportit ndërqytetës.

Kërkesë për shtim/ndryshim/heqje stacioni në linjat e transportit ndërqytetës.

Kërkesë për miratim linje të transportit ndërqytetës.

Kërkesë për akses në e-Transport, si operator transporti ndërqytetës.

“Këto shërbime risi lehtësojnë 242 subjekte të transportit ndërqytetës, duke digjitalizuar komplet sektorin, duke eliminuar kohë të vlefshme nëpërmjet gjenerimit të dokumentit me vulë elektronike dhe duke mundësuar përdorimin e të dhënave për ndërhyrje efektive në rrjet linjash e oraresh”, bën me dije DPSHTRR.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.