Platforma ‘Punë të Mbarë’ – Doganat: 58 studentë të ekselencës i bashkohen stafit

Dogana Shqiptare ka njoftuar se 58 studentë të të ekselencës iu bashkuan stafit të Administratës së Doganave Shqiptare(DPD).

Administrata Doganore Shqiptare mirëpriti 58 studentë të ekselencës, në zbatim të VKM Nr. 766, datë 26.12.2018 “Për punësimin e studentëve të ekselencës në institucionet e administratës shtetërore, pjesë e shërbimit civil për vitin 2019”. Sipas njoftimit studentët me anë të platformës “Punë të Mbarë”, janë rekrutuar për periudhën një vjeçare pranë kësaj administrate.

Studentët e rekrutuar janë pozicionuar në Drejtorinë e Përgjithshme të Doganave dhe në 17 Degët Doganore në rrethe. Dogana Shqiptare nëpërmjet njoftimit tha se ata po trajnohen nga stafi i ADSH-së dhe më pas do të fillojnë punën në pozicionin e përzgjedhur prej tyre.
Nëndrejtori i Përgjithshëm Administrativ i DPD, Arben Seferi, përveçse i uroi mirëseardhjen të rinjve tha se ata do të kenë në çdo hap mbështetjen me profesionalizëm nga stafi i DPD-së.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.