Plazhi që mbyll dyert për të mbrojtur ekosistemin!
Ka qindra plazhe me rërë të bardhë dhe të virgjër përgjatë bregut të Tajlandës, por një gji e vogël, pothuajse i fshehur nga shkëmbinjtë gëlqerorë, ka qënë në qendër të vëmendjes nga turistë anembanë botës. Për vite me rradhë, një numër i lartë turistësh vizitonin këtë vend duke e etiketuar si “parajsë”. Por vitin e kaluar ky plazh u mbyll.
Turistët që prisnin një vend të qetë dhe të izoluar, përballeshin me një vend të zhurmshëm dhe të mbipopulluar nga njerëzit, duke u vizituar nga 3.500 vizitorë në ditë.Në vitin 2018 operatorët lokalë të turizmit dhe zyrtarët e ishullit Phi Phi kuptuan se ky numër i turistëve ishte i papërballueshëm. Përkundër shqetësimeve nga bizneset e turizmit në zonë, autoritetet argumentuan se plazhi duhet të mbyllej pasi shkëmbinjtë nënujorë dhe koralet u dëmtuan rëndë dhe ekosistemi dëshpërimisht kishte nevojë për kohë për t’u shëruar. Tani kur shkon në Gjirin e Mayës ka ende anije që presin të ankorojnë pranë bregut por është thuajse e pamundur. Ata mund të presin vetëm 300 metra larg dhe të shohin në distancë ishullin e parajsës.
Ekipit të BBC-së iu dha leja për të vizituar plazhin, dhe ndërsa motoskafi vizitonte ishullin në çdo vend kishte tabela ‘ndalohet hyrja’.
Autoritetet e zonës thonë do të mund ta hapin Gjirin e Mayas kur ata ta dinë se sa është kapaciteti i turistëve që ky plazh mund të suportojë pa u dëmtuar. Dëmi në ujërat e Tajlandës vjen nga turizmi i shfrenuar dhe ky është problemi më i madh i tyre. Ekspertët fajësojnë ujin e ndotur të lëshuar nga hotelet e plazhit dhe mbetjeve plastike të hedhur në oqean si shkaqet kryesore. Ndoshta Maya Bay është një shenjë se Tajlanda po kthehet në një shembull sesi mund të ruhen pasuritë natyrore, por për një komb kaq të varur nga të ardhurat turistike, mund të jetë gjithashtu një provë se sa problematike do të jetë kjo periudhë e ‘izolimit’ të ishullit.
E.Z/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.