Po na rrezikon të drejtat pandemia? – Anastasi: Situata e jashtëzakonshme, jeta prioritet. Kujdes proporcionalitetin e aksesin në gjykata

Konstitucionalistja e njohur Aurela Anasasi thotë se një vijë shumë e hollë i ndan masat shtrënguese për shkak të pandemisë nga mundësia për shkeljen e të drejtave të njeriut. E ftuar në Vetting.al, Anasatasi, me titull Profesor Doktor, anëtare e Akademisë së Shkencave analizon sa po respektohet shteti i së drejtës nën kufizimet e vendosura për qytetarët e bizneset për shkak të Pandemisë Covid 19.

Ajo thotë se masat shtrënguese janë marrë në emër të mbrojtjes së jetës, që është edhe e drejta themelore kushtetuese, përpara së drejtës për lëvizjen e lirë apo së drejtës ekonomike. Gjithsesi, ajo tërheq vëmendjen për elementë të rëndësishëm, siç mund të jetë e proporcionaliteti i masave shtrënguese, e drejta për akses në gjykatë apo e drejta për dëmshpërblim.

Lidhur me tërheqjen e pjesshme nga disa nene të Konventës për Mbrojtjen e të Drejtave të Njeriut nga ana e shtetit shqiptar, Anasatasi thotë se bëhet fjalë për një procedurë formale të ndjekur nga shumë shtete.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.