Po niseni me pushime? – Ja 7 këshilla nga Ministria e Brendshme që ju ndihmojnë të siguroni shtëpinë nga hajdutët
Periudha e pushimeve verore mund të jetë shumë e favorshme për hajdutët. Kjo është koha më e mirë për ta pasi mund të shfrytëzojnë mungesën tuaj për të plaçkitur banesat.
Në këtë kuadër, Ministria e Brendshme ka një listë me 7 këshilla se si të siguroni shtëpinë tuaj gjatë kohës që jeni me pushime, në mënyrë që të mos përballeni me surpriza kur të ktheheni në shtëpi.
1 Kujdes sigurimin e banesës kur dilni jashtë qytetit apo shtetit – Mbyllni mirë dyert dhe dritaret kur niseni për udhëtim
2 Harroni mitin e çelësit poshtë vazos – Më mirë zgjidh një person të besuar për t’i dhënë çelësin dhe për të parë shtëpinë
3 Kujdes postimet në rrjetet sociale – Sa më pak të detajuara dhe publike statuset dhe fotot nga vende të largëta, aq më pak mundësi që hajdutët t’ju vjedhin qetësisht shtëpinë
4 Kujdes faturat e shtrenjta apo kutitë firmato që hidhni – Sa më pak t’jua shohin koshin e plehrave apo derën e shtëpisë, aq më pak tundohen hajdutët e vëmendshëm të banesave
5 Për siguri, fotografoni sendet me vlerë – Nëse bini pre e vjedhjes së banesës dhe denonconi në 112, do të jetë më e lehtë [pikasja dhe zbulimi i tyre
6 Kujdes, hajdutët që trokasin të kamufluar si shpërndarës broshurash – Nëse shihni se i bien ziles së fqinjit pa pushim dhe nuk largohen as kur nuk përgjigjet njeri, fotografojini dhe raportojini te komisariati dixhital
7 Kujdesuni për të moshuarit – Sigurojini shtëpinë para pushimeve
Në rast se evidentoni veprime apo sjellje të dyshimta në zonën ku banoni, mund të raportoni duke telefonuar në numrin 112.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.