Policia private, ministri i Brendshëm anulon udhëzimin e miratuar në Maj. Ja si do të funksionojë tashmë Shërbimi Privat i Sigurisë Fizike dhe Qendra e Trajnimit të Punonjësve?!
Përmes një udhëzimi të posaçëm, ministri Brendshëm, Fatmir Xhafaj ka anuluar udhëzimin e paraardhësit të tij në këtë detyrë për funksionimin e Shërbimit Privat të Sigurisë Fizike dhe Qendrës së Trajnimit Privat të Punonjësve, ose siç njihet ndryshe për policinë private. Tashmë janë ngarkuar për zbatimin e udhëzimit të ri strukturat përgjegjëse të Policisë së Shtetit, si dhe personeli i subjekteve të Shërbimit Privat të Sigurisë Fizike dhe Qendrat e Trajnimit Privat të Punonjësve të SHPSF-së”.
Konkretisht, në udhëzimin më të fundit me numër 899, të datës 14.9.2017, ministri anulon udhëzimin nr. 308, datë 22.5.2017, “Për funksionimin e shërbimit privat të sigurisë fizike dhe qendrës së trajnimit privat të punonjësve të SHPS, në mbështetje të pikës 4, të nenit 102, të Kushtetutës dhe të neneve 113 dhe 114, të ligjit nr. 44/2015 dhe “Kodit të Procedurave Administrative të Republikës së Shqipërisë”.
Kështu në këtë udhëzim, ministri i Brendshëm vendosi:
“Anulimin e udhëzimit nr. 308, datë 22.5.2017, të ministrit të Punëve të Brendshme, “Për funksionimin e Shërbimit Privat të Sigurisë Fizike dhe Qendrës së Trajnimit Privat të punonjësve të SHPSF-së”, duke ngarkuar për zbatimin e tij strukturat përgjegjëse të Policisë së Shtetit, si dhe personelin e subjekteve të Shërbimit Privat të Sigurisë Fizike dhe Qendrat e Trajnimit Privat të punonjësve të SHPSF-së”.
Ky udhëzim që mban firmën e ministrit Fatmir Xhafaj ka hyrë në fuqi sot me botimin në “Fletoren Zyrtare”.
Çfarë parashikonte udhëzimi i mëparshëm me numër 308, datë 22.5.2017
Trajnimi i personelit të SHPSF-së
Kurset dhe programet e trajnimit të personelit të shërbimit privat të sigurisë fizike dhe QTP-së.
Trajnimi i drejtuesit teknik të SHPSF-së dhe QTP-së.
a) Trajnimi i drejtuesit teknik të SHPSF-së dhe Qendrës së Trajnimit Privat për Punonjësit e SHPSF-së bëhet në Akademinë e Sigurisë.
b) Personat që kërkojnë të certifikohen për drejtues teknik për SHPSF/Qendra e Trajnimit Privat kryejnë trajnimin përkatës. Programet, afatet e trajnimit, kushtet dhe kriteret për ndjekjen e trajnimit për personelin e SHPSF-së miratohen në Akademinë e Sigurisë.
c) Drejtuesit teknik të Qendrës të Trajnimit Privat që do të përfshihen në mësimdhënie, duhet të kryejnë edhe kursin e trajnimit “Për aftësimin e trajnerëve për mësimdhënie” në Akademinë e Sigurisë.
d) Trajnimi i Drejtuesit Teknik/Trajnerëve për mësimdhënie në Qendrën e Trajnimit Privat bëhet në Akademinë e Sigurisë. Programet e trajnimeve për trajnuesit e QTP-së hartohen dhe miratohen nga Akademia e Sigurisë.
Trajnimi i punonjësit të shërbimit privat të sigurisë fizike.
a) Punonjësi i shërbimit privat të sigurisë fizike trajnohet në Akademinë e Sigurisë ose në Qendrat e Trajnimit Privat (QTP), të licencuara për këtë qëllim sipas programeve të miratuara nga Akademia e Sigurisë.
b) Programet për trajnime të specializuara për punonjës shërbimi të SHPSF-së miratohen nga Akademia e Sigurisë.
c) Trajnimet e specializuara do të zhvillohen në Akademinë e Sigurisë dhe në Qendrën e Trajnimit Privat me kohëzgjatje 5 ditë në çdo 4 (katër) vjet. Në përfundim të trajnimit, pjesëmarrësit do të pajisen me certifikatë.
Trajnimet e specializuara Akademia e Sigurisë kryen trajnime të specializuara për:
a) Përgjegjës shërbimi për SHPSF-të;
b) Operator për Qendrën e Kontrollit;
c) Truprojë për sigurimin fizik të personave; Fletorja Zyrtare Viti 2017 – Numri 128 Faqe|6481
d) Punonjës për shoqërimin e vlerave monetare gjatë transportit; e) Shofer për drejtimin në mënyrë të sigurt të mjeteve të blinduara të shoqërimit të vlerave monetare;
f) Instruktor për përgatitje zjarri për subjektet e licencuara “Për aftësimin teorik e praktik me armët”. Qendra e Trajnimit Privat kryen trajnime të specializuara për: a) Përgjegjës shërbimi për SHPSF-të, b) Operator për Qendrën e Kontrollit,
c) Truprojë për sigurimin fizik të personave, d) Punonjës për shoqërimin e vlerave monetare gjatë transportit.
Trajnimet e vazhdueshme
a) Programet për trajnime të vazhdueshme për drejtues teknik të SHPSF/Qendra të Trajnimit Privat hartohen dhe zhvillohen nga Akademia e Sigurisë. Trajnimi vazhdues për drejtues teknik kryhet çdo vit, me një afat kohor jo më me pak se 8 orë mësimore.
b) Programet për trajnime të vazhdueshme për punonjës të SHPSF-së hartohen nga Akademia e Sigurisë dhe zhvillohen çdo vit në Qendrat e Trajnimit Privat me një afat kohor jo me pak se 16 orë mësimore. Zhvillimi i këtij programi monitorohet nga Drejtoria Vendore e Policisë.
c) Të drejtën për mësimdhënie në Qendrat e Trajnimit Privat për punonjës të SHPSF-ve e kanë personat e pajisur me certifikatë si trajnerë për mësimdhënie nga Akademia e Sigurisë, përfshi këtu edhe Drejtuesin Teknik të QTP-së, i pajisur me certifikatë për mësimdhënie.
Personat të cilët janë kandidatë për trajnues në Qendrat Private të Trajnimit, të cilët janë certifikuar për mësimdhënie për armët e zjarrit, aftësitë vetëmbrojtëse, përgatitjes fizike dhe ndihmës së parë në institucionet e arsimit të lartë, si dhe ata që kanë kryer kurse të specializuara brenda ose jashtë vendit nga institucione të licencuara për programin përkatës, paraqesin dokumentacionin certifikues pranë Akademisë Sigurisë, e cila bën njohjen e vlefshmërisë së certifikimit.
Kontrolli i zhvillimit të programeve të trajnimit dhe testimit për Qendrat e Trajnimit Privat të bëhet nga Akademia e Sigurisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.