Policia procedon penalisht administratorë biznesesh në Lushnje e Fier- S’deklaronin faturat e TVSH dhe shisnin pa kasë fiskale
Policia e Shtetit ka proceduar penalisht 2 administratorë subjektesh tregtare për fshehje të të ardhurave. Referuar njoftimit zyrtar, specialistët për Hetimin e Krimit Ekonomik e Financiar në Drejtorinë Vendore të Policisë Fier, në vijim të punës duke monitoruar, kontrolluar dhe goditur informalitetin, proceduan penalisht në gjendje të lirë dy përfaqësues të subjekteve, të cilët kanë vijuar veprimtarinë e kundraligjshme në fushën e hidrokarbureve dhe ndërtimeve:
-B.Ç, 42 vjeç, banues në Lushnjë (administrator i një subjekti tregtar).
Sipas policisë, në aktivitetin që ky shtetas ushtron në fushën e ndërtimit, nuk ka deklaruar në organin tatimor faturat e TVSH-së.
-A.I, 54 vjeç, banues në Fier (administrator i një subjekti tregtar).
Sipas policisë, në aktivitetin që ky shtetas ushtron në fushën e shitjes së karburanteve, u konstatua se bënte shitje karburanti pa kasë fiskale.
Materialet i kaluan Prokurorisë për veprime të mëtejshme për veprën penale “Fshehje e të ardhurave”.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.