Policia rrëzon nga ura një djalë 16 vjeçar, gjatë protestave për Kushtetutën e Re në Kili
Më pak se një muaj para se Kili të votojë nëse do të zëvendësojë kushtetutën e epokës Pinochet, policia ka shtypur brutalisht demonstruesit në kryeqytetin Santiago.
Të premten në mbrëmje oficerët e forcës policore Carabineros përdorën gaz lot-sjellës dhe ujë me presion të lartë për të shpërndarë protestuesit. Dhuna ishte kryefjala e këtyre protestuesit.
Videot tregojnë një djalë 16-vjeçar që shtyhet nga një oficer policie. Djali ra në kanalin e lumit Mapocho, ku ai u shtri pa lëvizur, me fytyrë poshtë në ujë të cekët.
“Ndërsa protestuesit ikën, ne pamë momentin që oficeri e kapi djalin dhe e hodhi atë nga ura,” tha Pavel Pavelic Jofre, i cili drejtoi një grup vullnetarësh në protesta.
“Ne arritëm të zbritnim dy nga grupi ynë për ta ndihmuar dhe pasi e stabilizuan gjendjen e tij, zjarrfikësit ishin në gjendje ta heqin atë nga lumi për t’u dërguar në spital.”
Duke adresuar incidentin në një adresë televizive, Gjenerali Enrique Monrás, një zëdhënës i Carabineros, nuk përjashtoi përgjegjësinë e forcave për atë që kishte ndodhur, por tha se për mendimin e tij, djali “humbi ekuilibrin dhe ra” gjatë një arrestimi.
Djali raportohet se në një gjendje të qëndrueshme në Klinikën Santa María, një distancë e shkurtër nga vendi ku ndodhi ngjarja.
Referendumi kushtetues i Kilit do të mbahet në 25 tetor. Pas skandalit të fundit që përfshiu Carabineros, thirrjet dolën në mediat sociale për protesta të mëtejshme që do të mbaheshin gjatë fundjavës.
D.B – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.