Policia Rrugore e Tiranës vendos nën kontroll të plotë atë që mund të cilësohet si “aksi më problematik i Shqipërisë”! (VIDEO)

Policia e Shtetit njofton se segmenti më problematik, Sauk-Teg dhe unaza e re në tërësi, që ishte kthyer në pistë për të fluturuar drejtuesit e mjeteve dhe jo për të qarkulluar, që ishte kthyer në pistë për gara shpejtësie dhe vrastare për jetën, tashmë është nën kontroll të plotë të Policisë Rrugore.

“Prej 5 orësh kontroll me radar, vetëm një Leje Drejtimi e pezulluar për shpejtësi 122 km/h dhe 4 masa administrative për shpejtësi nga 110 km/h deri në 116/km.  Kontroll është ushtruar edhe me drager për parandalimin e drejtimit të mjetit nën ndikimin e alkoolit apa në gjendje të dehur.

Gjatë mbrëmjes së 14 shkurtit dhe orëve të para të mëngjesit të datës 15 shkurt janë evidentuar vetëm 8 raste të drejtimit të mjetit nën ndikimin e alkoolit, që varionte nga 0.22 mg/l deri në 0.43 mg/l ndërsa gjatë orëve të mbrëmjes e deri në orën 01.00 të mëngjesit të datës 16 shkurt vetëm tre raste që varionin nga 0.26 mg/l deri në 0.33 mg/l, asnjë drejtues mjeti i arrestuar për drejtim mjeti në gjendje të dehur as natën e festës e as gjatë orëve të mbrëmjes e deri në orën 01.00 të mëngjesit të sotëm” njofton Policia.

Kontrolli me radar e dragera do të vijojë përgjatë unazës së re dhe në rrugën interurbane Tiranë-Durrës -Tiranë dhe Tiranë – Elbasan-Tiranë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.