Policia tjetër aksion në kuadër të kalimit të paligjshëm të kufirit – Ndalohen 27 shtetas irakianë, arrestohet drejtuesi i mjetit
Policia e Shtetit ka njoftuar se janë ndaluar 27 shtetas irakianë të cilët kishin hyrë në Republikën e Shqipërisë në mënyrë të paligjshme.
Arrestohet drejtuesi i automjetit që po transportonte shtetasit e huaj me iniciale S. P., 54 vjeç, banues në Sarandë.
Shtetasit janë ndaluar si rrjedhojë e operacionit rajonal “Joint Action Days” për luftën ndaj trafikut të qenieve njerëzore në Ballkan, nga strukturat e Drejtorisë Vendore të Policisë Fier, në bashkëpunim me Interpol Tirana dhe Drejtorinë e Përgjithshme të Policisë së Shtetit.
Në përfundim të veprimeve u bë arrestimi i drejtuesit të automjetit tip autobus.
Materialet i kaluan Prokurorisë pranë Gjykatës së Shkallës së Parë Fier, për veprën penale “Ndihma për kalim të paligjshëm të kufirit”.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.