Politika e Amazon: Kush ka temperaturë shkon në shtëpi, merr gjysmë page
Fabrikat e Amazon vazhdojnë të operojnë pavarësisht raporteve në rritje të rasteve të konfirmuara të koronavirusit midis punonjësve. Disa fabrika të kompanisë kanë filluar të kryejnë kontrolle ditore të temperaturës me shpresën për të frenuar përhapjen e infeksionit në objektet e tyre – por shumë punonjës të larguar do të marrin vetëm gjysmën e pagës.
Nëse një individ ka një temperaturë në ose mbi 38 gradë Celsius, do t’i kërkohet të shkojë në shtëpi. Sipas politikës së re, punonjësit do t’i kërkohet të qëndrojnë në shtëpi derisa të mos kenë temperaturë për të paktën 72 orë – pa përdorimin e ilaçeve për uljen e temperaturës.
Amazon e filloi këtë politikë në vende të caktuara rreth SHBA më 29 Mars, sipas një postimi në faqen e internetit të korporatës Amazon.
“Bashkëpunëtorët dhe partnerët në Amazon që punojnë në rrjetin tonë të operacioneve dhe qendrat e të dhënave janë ndër heronjtë e shumtë të krizës COVID-19,” lexohet në deklaratën nga faqja e internetit e Amazon. “Asgjë nuk është më e rëndësishme për ne sesa të sigurohemi të mbrojmë shëndetin e ekipeve tona.”, vazhdohet deklarata.
D.B – SCAN
Burimi: Business Insider
https://www.businessinsider.com/amazon-implements-temperature-checks-employees-1004-degrees-partial-pay-2020-4
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.