Pompeo, vizitë në Mal të Zi – Marrëveshje ushtarake prej 36 milion dollarë me aleatin e NATO
Shtetet e Bashkuara dhe Mali i Zi, që i’u bashkua NATOs në vitin 2017, janë drejt përfundimit të marrëveshjes më të madhe të armëve, sipas Sekretarit amerikan të Shtetit, Mike Pompeo.
Gjatë një takimi me kryeministrin Dusko Markovic, Pompeo tha se Shtetet e Bashkuara do dorëzojnë automjete të lehta taktike me vlerën e 36 milionë dollarëve ndaj aleatit të NATO, pasi të përfundojë marrëveshja.
“Shtetet e Bashkuara kanë ofruar një marrëveshje ndaj Malit të Zi për shitjen më të madhe të pajisjeve ushtarake mes 2 vendeve. SHBA pret të dorëzojë automjete të lehta taktike me vlerën e 36 milionë dollarëve. Kemi parë angazhime të Malit të Zi për t’i bërë ballë kërcënimeve të shekullit të 21. Për shkak të bashkëpunimit direkt kibernetik me Malin e Zi, ne kemi krijuar mbrojtje ndaj miliarda aparateve në të gjithë botën, kundër sulmeve ruse”, u shpreh Pompeo.
Kryeministri i Malit të Zi, Dusko Markovic, tha se vendi ka rritur investimet në mbrojtje dhe premtoi se në vitin 2024, do të arrihet objektivi prej 2%. Pompeo ndodhet në një udhëtim të shkurtër në Malin e Zi dhe Maqëdoninë e Veriut, që është në procesin e hyrjes në Aleancë.
Ai përgëzoi bashkëpunimin në inteligjencë me Malin e Zi, nëpërmjet të cilit kanë krijuar mbrojtje kundër sulmeve kibernetike të rusisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.