Portal për eksportet, Ekonomi: Lehtësi për prodhuesit, procedurat që duhet të ndjekin

Së shpejti do të ngrihet në faqe e re online e Komitetit për Koordinimin e Politikës Tregtare dhe të Lehtësimit të Tregtisë, e cila do të ketë informacion të bollshëm për eksportet në vendet e BE dhe CEFTA-S, si edhe drejt vendeve të tjera si SHBA apo Turqi. Kjo faqe do t’iu vijë në ndihmë të gjithë prodhuesve, që të gjejnë lehtësisht se çfarë procedurash duhet të zbatojnë që të eksportojnë produktin e tyre drejt një vendi të caktuar.

Ideja për faqen e re u diskutua në mbledhjen e tretë të Komitetit për Koordinimin e Politikës Tregtare dhe të Lehtësimit të Tregtisë, një grup ndërinstitucional që drejtohet nga Ministrja e Ekonomisë, Milva Ekonomi.

Temat kryesore të diskutuara në këtë takim të radhës ishin:

–          Prezantimi i website të Komitetit të Lehtësimit të Tregtisë;

–          Prezantimi i studimit për barrierat teknike në tregti për produkte bujqësore të destinuara në eksport;

–          Kapacitetet administrative të Sekretariatit Teknik;

–          Masat/hapat për lehtësimin e eksporteve të qumështit;

–          Diskutimi i situatës së eksportit të açugeve në tregun e BE

Ministrja Ekonomi kërkoi që diskutimi i temave në Komitet të bëhet sipas një plani 1 vjeçar të menduar lidhur me problematikat kryesore të eksporteve.

Eralda Zito/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.