Portali “E-Albania”, më shumë qytetarë drejt shërbimeve online! Mbi 311 mijë përdorues në total, ja sa janë shtuar vetëm 7 muajt e fundit
“Më shumë shërbime, cilësi dhe efektivitet, më shumë përdorues të rinj në portalin qeveritar E-Albania”. Kështu thuhet në një njoftim në “FB” të portalit, ku tregohet se gjatë 7 mujorit të parë të vitit 2017, numri i përdoruesve të regjistruar në e-Albania shkon në 70 092, ndërkohë që numri total ka arritur në 311 558 përdorues.
“Vetëm në këto 7 muaj të vitit 2017, numri i përdoruesve të regjistruar në e-Albania shkon në 70 092, duke e çuar totalin e përdoruesve në 311 558. Një sukses që konfirmohet nga përfshirja gjithnjë e më e madhe e njerëzve në marrjen e shërbimeve publike në rrugë elektronike”, thuhet në njoftim.
Gjithashtu portali qeveritar iu bën thithje qytetarëve që të regjistrohen në të për marrjen e shërbimeve online.
“Regjistrohuni dhe përfitoni shërbimin më të mirë publik, 24/7, për disa kategori. e-Albania është zgjidhja e domosdoshme për të gjithë!”, thuhet në njoftimin e e-Albania
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.