Posta Shqiptare marrëveshje bashkëpunimi me Postën e Kosovës për përpunimin e dërgesave postare dhe tarifave të tyre
Posta Shqiptare ka nënshkruar marrëveshje bashkëpunimi me Postën e Kosovës për përpunimin e dërgesave postare me rrugë tokësore me transit të hapur nga Posta Shqiptare, që kanë destiancion final Postën e Kosovës.
Marrëveshja është firmosur nga Administratori i Postës Shqiptare, Laert Duraj dhe Kryeshefi Ekzekutiv i Postës së Kosovës, Sejdi Hoxha.
Përmes kësaj marrëveshje synohet të bëhet përcaktimi i mënyrës së llogaritjes së detyrimeve për dërgesat me transit të hapur, të cilat arrijnë nga shtetet që nuk e njohin Kosovën si destinacion final. Po ashtu, ajo përfshin edhe përcaktimin e tarifave për përpunimin e këtyre dërgesave postare.
Ndërkohë, vlen të theksohet bashkëpunimi shumëvjeçar i Postës Shqiptare dhe asaj të Kosovës në fusha të ndryshme në interes të ofrimit të shërbimeve sa më cilësore për qytetarët e të dyja vendeve.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.