Potenciali i 5G – Kompanitë bëjnë mirë të fillojnë përgatitjet!
Një sondazh i ri i firmës Accenture i rreth 2,000 teknologëve dhe drejtuesve të biznesit në 10 vende, zbuloi pasiguri të thellë rreth teknologjisë së rrjetit të telefonisë celulare të gjeneratës së ardhshme, të njohur si 5G. Pak nga ata që janë anketuar, për shembull, besojnë në parashikimet e industrisë për shpejtësinë dramatike të rrjetit 5G.
Më shumë se gjysma nuk presin që teknologjia do t’u mundësojë atyre të bëjnë shumë gjëra ndryshe nga ato që kanë mundur të bëjnë deri tani, ndërsa gati tre të katërtat thanë se kanë nevojë për ndihmë për të kuptuar përdorimin e 5G. Këto rezultate tregojnë se shumë liderë biznesi as nuk e kuptojnë teknologjinë dhe as potencialin e saj shkatërrues.
5G kur zbatohet plotësisht është një punë gjigande, një transformim shumë më i madh në teknologjinë telefonike sesa çdo ndryshim i gjeneratave të mëparshme. Shpejtësia, kapaciteti, konsumi i reduktuar në mënyrë dramatike si dhe koha e reagimit të komunikimit, do të mundësojnë një gamë të habitshme produktesh dhe shërbimesh novatore.
Përfitimet ekonomike dhe sociale mund të jenë të mëdha. Rrjeti 5G mbështetet në antena shumë më të vogla, por më të dendura. Duke “dendësuar” rrjetin, sinjalet do të transportohen më shpejt, me bandë të matur jo në megabit, por në gigabitë për sekondë. Testet e hershme tregojnë se rrjeti 5G do të jetë 100-fish më i shpejtë se teknologjia e sotme telefonike.
Sipas sondazhit, në perceptimet e drejtuesve të ndërmarrjeve, 5G është rezultat i marketingut të hershëm, duke përdorur transportues që ofrojnë produkte “5G” pa pasur ende specifikim të plotë teknik. Wall Street është shprehur skeptik lidhur me vlerën e vërtetë të 5G dhe përfitimeve që do të ofrojë . Megjithatë, nëse bizneset në detyrë nuk ndërmarrin hapa në përgatitjen për 5G, në mënyrë të pashmangshme do të krijohen boshllëqe, duke ndërprerë në mënyra të papritura platformat suksesi si iTunes dhe Netflix, apo transportin dhe prodhimin (përshembull ,printimi 3D).
Burimi: Harvard Business Review
Përshtati në shqip: J.V/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.