PPP në shëndetësi, Rama: Do të zgjerojmë partneritetin, që të fitojnë qytetarët
Partneriteti publik privat, jo vetëm në sektorin shëndetësor do të shkojë drejt zgjerimit.
Kështu u shpreh Kryeministri Rama gjatë ceremonisë së inaugurimit të Spitalit Amerikan 3. Ku nuk la pa përmendur edhe financimin e paketave të ndryshme shëndetësore që ofrohen si shërbime tek spitalet private.
Sipas kreut të qeverisë ka ardhur koha që spitalet të kenë autonomin e tyre financiare.
Në vazhdimësi buxheti për spitalet nuk do të jetë i përqendrua vetëm tek Ministria e Shëndetësisë.
Ndërsa për Ministren e Shëndetësisë Ogerta Manastirliu, investimet që bënë privati janë një nxitje shumë e mirë që edhe shteti të bëjë të njëjtën gjë në spitalet publike.
Spitali Amerikan operon prej më shumë se 10 vjetësh në Shqipëri, ndërkohë që investimet në total kapin vlerën e 65 milionë eurove, si dhe kanë një numër të punësuarish në 1200 persona.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.