PPP në vitin 2019 – Tabaku: Do paguajmë 105 mln euro. Ahmetaj: Do vijojmë investimet
Vijon debati në distancë mes opozitës dhe mazhorancës për projektbuxhetin e vitit 2019. Sipas nënkryetares së Komisionit të Ekonomisë Jorida Tabaku në vitin 2019, për koncesionet do paguhet një vlerë prej 105 mln eurosh, duke ia hequr këtë shumë investimeve në infrastrukturë, ujësjellësa dhe shkolla.
Për Tabakun kushdo që voton buxhetin 2019, ka votuar një buxhet në interesin e oligarkëve. Por ndaj kësaj deklarate ka reaguar Ministri i Ekonomisë dhe Financave Arben Ahmetaj gjatë seancës plenare të 15 nëntorit. Sipas tij PPP dhe koncesionet janë të nevojshme për zhvillimin e mëtejshëm të vendit.
Sipas Ministrit të Ekonomisë dhe Financave buxheti i vitit 2019 do të rrisë të ardhurat me rreth 30 miliardë lekë , ndërkohë që ky buxhet parashikon investime në vlerën e 88.8 miliardë lekëve.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.