Prada bëhet e para firmë e veshjeve luksoze që nënshkruan marrëveshje për mbrojtjen mjedisore
Prada ka nënshkruar një marrëveshje me vlerë 50 milion € me kompaninë e shërbimeve financiare Crédit Agricole Group në përpjekje për të mbrojtur stabilitetin e mejdisit.
Kredia e qëndrueshmërisë pesë-vjeçare, e cila raportohet se është e para në llojin e saj në industrinë e luksit, lejon që shtëpia italiane e modës të ndryshojë normat e interesit të saj mbi baza vjetore, nëse arrin objektiva të caktuara eko-miqësore.
Alessandra Cozzani, zyrtare kryesore financiare në Prada, shpjegoi rëndësinë e kredisë së qëndrueshmërisë.
“Ky transaksion tregon se qëndrueshmëria është një element kryesor për zhvillimin e Grupit Prada, i integruar gjithnjë e më shumë në strategjinë tonë,” tha Cozzani në një deklaratë dërguar Vogue Business.
Ndërsa kredia e Prada është një marrëveshje e re brenda industrisë së luksit, sipas të dhënave të grumbulluara nga shërbimi i lajmeve dhe analizat e Financave të Mjedisit, kreditë e lidhura me këto iniciativa kanë fituar tërheqje vitet e fundit.
Alberto Bezzi, bankier i vjetër në Bankën e Korporatave dhe Investimeve të Crédit Agricole, tha se “risia” e marrëveshjes me Prada po gjen një mënyrë për të “matur” përpjekjet e shtëpisë së modës për të qenë më shumë e kujdesshme ndaj mjedisit “në një mënyrë të prekshme”.
Mënyra në të cilën do të maten objektivat që janë përmbushur nga Prada ende nuk janë konfirmuar përfundimisht.
Kredia e lidhur me mbrojtjen e mjedisit është vetëm një nga disa nisma eko-miqësore që marka ka promovuar në kohët e fundit.
Në fillim të këtij viti, firma luksoze shfaqi një koleksion të veçanta me çanta najloni të bëra nga plastika e riciklueshme.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.