Pranimi apo lëvizjet paralele, Rama: Në janar, nis fazë e re e sistemit të mësuesve
Në janar 2019 do të nisë një fazë e re e funksionimit të sistemit të mësuesve lidhur me pranimet apo lëvizjet paralele. Meritokracia do të jetë e garantuar dhe çdo mësues do të jetë në vendin e vetë! Këtë deklaroi kryeministri Rama në takimin e përjavshëm me koordinatorët e bashkëqeverisjes shqipëriaqëduam.al, gjatë trajtimit të një ankese ku një mësuese e kishën larguar nga puna.
“Gjithë sistemi arsimor është futur në një regjim të ri me portalin “Mësues për Shqipërinë” dhe e vërteta është që sistemimi nëpërmjet lëvizjes paralele është një nga aspektet që akoma ka problematika. Por nga njëra anë portal i bashkëqeverisjes funksionon më së mirë për të gjithë ata mësues të cilët, njësojë ndeshen me këto problematika. Nga ana tjetër sot dua ta rinënvizojë, se në janar fillon një fazë e re e funksionimit të sistemit të mësuesve lidhur me pranimet, lëvizjet paralele e me radhe. Sot portal “Mësues për Shqipërinë” nuk është thjeshtë një mekanizëm por është një ligji. Dhe transformimi i zyrave dhe drejtorive arsimore në një shërbim të ri shkëput përfundimisht subjektivizmin e drejtuesve të zyrave me funksionimin automatik. Meritokracia te jete e garantuar po ashtu edhe transparenca. Çdokush që punon në arsimtar jetë në vendin e vetë dhe askush të mos zë vendin e të tjerëve”, deklaroi Rama.
“Klodiana Alla, mësuese në profilin e Gjuhë -Letërsisë. Si pasojë e rënies së numrit të nxënësve në shkollën 9-vjecare Polis Shehu, mësuesja Alla del pa ngarkesë mësimore dhe automatikisht largohet nga puna pavarësisht se iu premtua që do të sistemoheshe në një vend tjetër pune bazuar në procedurën e lëvizjes paralele të detyrueshme. Në fillim të vitit shkollor 2018-2019, pavarësisht që institucioni e ka si detyrim mësuesit të sistemojë mësuesit, kjo mësuese nuk u punësua. Pas trajtimit të ankesës në zyrën e bashkëqeverisjes ministria e Arsimit vendosi që mësuesja të emërohet me kontratë definitive në shkollën “Dalip Toçka” në Kotodesh, Librazhd”, prezantojë rastin koordinatorja e platformës shqipëriaqëduam.al.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.